(बुंदेली गीत)
 
गेलन में रमहा रही गैया।
चलो वोट डारन को भैया।
 
मतदाता सूची में नाम लिखवईयो।
घर भर के वोटर कार्ड बनबइयो।
छूटे न कुई बहिन भैया।
चलो वोट डारन को भैया।
 
बी एल ओ तुमरे घर आहे।
सब वोटर को पता वो चाहे।
सही सही बता दैयो मैया।
चलो वोट डारन को भैया।
 
पैईसा ने लईयो दारू ने लईयो।
जो देवे बाको नाम बतइयो।
कर है वो फिर हाय दैया।
चलो वोट डारन को भैया।
 
चंदा भी निकरो सूरज भी निकरो।
भौजी भी निकरी भैया भी निकरो।
नचत जात लोगन लुगैया
चलो वोट डारन को भैया।
 
अम्मा चलो तुम,मम्मा चलो तुम।
चलो वोट डारन को सङ्गे चलें हम।
हम लोकतंत्र के हैं रखवैया।
चलो वोट डारन को भैया।
 
जन प्रतिनिधि जब चुनके जेहे।
हमरी बातें ऊपर केहे।
घर सबके बजे है बधैया।
चलो वोट डारन को भैया।
 
गेलन में रंभा रही गैया।
चलो वोट डारन को भैया।